Entrevista: doce preguntas doces (e non tan doces) a Marcial Mouzo, pregoeiro 2024

𝟭. 𝗚𝘂́𝘀𝘁𝗮𝗻𝗰𝗵𝗲 𝗼𝘀 𝗺𝗲𝗹𝗶𝗻𝗱𝗿𝗲𝘀?
Encántanme desde a 1º vez q os probei hai xa non sei cantos anos aí en Melide.

𝟮. 𝗘 𝗼𝘀 𝗿𝗶𝗰𝗼𝘀 𝗲 𝗼𝘀 𝗮𝗺𝗲𝗻𝗱𝗼𝗮𝗱𝗼𝘀? 𝗖𝗼𝗻 𝗰𝗮𝗹 𝗱𝗼𝘀 𝘁𝗿𝗲𝘀 𝗱𝗼𝗰𝗲𝘀 𝗾𝘂𝗲𝗱𝗮𝘀?
Encántame os amendoados, pero que máis me gustan son os ricos, porque son de Melide

𝟯. 𝗖𝗼𝗻 𝗾𝘂𝗲 𝗼𝘀 𝘁𝗼𝗺𝗮𝘀? 𝗢𝘂 𝗴𝘂́𝘀𝘁𝗮𝗻𝗰𝗵𝗲 𝘀𝗼́𝘀?
Podo acompañalos con café ou chocolate xenial, pero se non o hai tamén van ben sos.

𝟰. 𝗖𝗮𝗻𝗱𝗼 𝗼𝘀 𝘁𝗼𝗺𝗮𝘀?
Cando mos dan e cando os teño prefiro pola mañá co almorzo arrimándolle calquera dos tres

𝟱. 𝗫𝗮 𝗳𝗼𝗿𝗮𝘀 𝗽𝗿𝗲𝗴𝗼𝗲𝗶𝗿𝗼 𝗻𝗼 𝗮𝗻𝗼 𝟭𝟵𝟵𝟯, 𝗾𝘂𝗲 𝗹𝗲𝗺𝗯𝗿𝗮𝘀 𝗱𝗮𝗾𝘂𝗲𝗹𝗮 𝗳𝗲𝘀𝘁𝗮?
Lembro o ambiente a ilusión que había porque a festa estaba nacendo e o xantar na casa de Pila do forno, panadería freire, e despois sumeime á movida nocturna.

𝟲. 𝗖𝗼𝗻̃𝗲𝗰𝗲𝘀 𝗼𝘂 𝘁𝗲𝘀 𝘁𝗿𝗮𝘁𝗼 𝗮 𝗮𝗹𝗴𝘂́𝗻𝘀 𝗱𝗼𝘀 𝗲𝗺𝗯𝗮𝗶𝘅𝗮𝗱𝗼𝗿𝗲𝘀/𝗮𝘀?
Os que teñen relación por temas de traballo, como Manolo Pampín, especialmente e despois Touri que nos vemos cada pouco, María Mera, Marcos Pereiro que colabora connosco no “Quen anda aí”, e tamén, claro, con Alfonso Cabaleiro que foi director da radio galega.

𝟳. 𝗖𝗼𝗶𝗱𝗮𝘀 𝗮 𝘁𝘂́𝗮 𝗮𝗹𝗶𝗺𝗲𝗻𝘁𝗮𝗰𝗶𝗼́𝗻?
Procuro coidarme, sobre todo pola tele, pero é mais doado dicilo que facelo, cóstame bastante, non polo que como porque procuro comer de todo variado e ben, o problema é a actividade porque vas collendo quilos porque non teño tempo de moverme e todo vai para a barriga, aínda que procuro comer de todo e produto de calidade. Pero como di o refrán tan sabio, non hai segredo: “menos prato e mais zapato”.

𝟴. 𝗙𝗶𝘅𝗲𝗰𝗵𝗲𝘀 𝗼 𝗖𝗮𝗺𝗶𝗻̃𝗼 𝗱𝗲 𝗦𝗮𝗻𝘁𝗶𝗮𝗴𝗼?
Fixen o Camiño dúas veces co “Pensando en ti”, primeiro o portugués desde Marín por mar a Pontecesures, e despois xa desde alí a Compostela. Despois cun americano ao que fomos ao seu encontro e fixemos a última etapa.

𝟵. 𝗗𝗲 𝗻𝗼𝗶𝘁𝗲, 𝗲́ 𝗰𝗲𝗿𝘁𝗼 𝗾𝘂𝗲 𝗲𝗻𝘁𝗿𝗮 𝗺𝗮́𝗶𝘀 𝗳𝗮𝗺𝗲? 𝗫𝗮𝗻𝘁𝗮𝘀 𝗮𝗹𝗴𝗼 𝗻𝗼 𝗲𝘀𝘁𝘂𝗱𝗶𝗼 𝗱𝗮 𝗿𝗮𝗱𝗶𝗼? 𝗘 𝗻𝗮 𝘁𝗲𝗹𝗲?
Na radio como algo, pero pouco salvo cando un compañeiro está de aniversario, non teño tempo porque teño 5 horas en directo. Na radio e na tele procuro comer pouco antes do programa porque me noto moito mellor. Pero claro, despois chego á casa e séntome a comer como é debido… ja, ja,ja.

𝟭𝟬. 𝗟𝗲𝘃𝗮𝗰𝗵𝗲𝘀 𝗺𝗼𝗶𝘁𝗼𝘀 𝗽𝗿𝗲𝗺𝗶𝗼𝘀 𝗻𝗮 𝘁𝘂́𝗮 𝗰𝗮𝗿𝗿𝗲𝗶𝗿𝗮, 𝗮𝗹𝗴𝘂́𝗻 𝗾𝘂𝗲 𝗰𝗵𝗲 𝗳𝗮𝗴𝗮 𝗲𝘀𝗽𝗲𝗰𝗶𝗮𝗹 𝗶𝗹𝘂𝘀𝗶𝗼́𝗻?
Home, o Galicia de comunicación no 2003 pois a nivel de toda Galicia a cantidade de profesionais que hai en todos os medios e me toque ser o distinguido, encantoume. E o da ONCE porque un premio moi solidario e o “Pensando en ti” é solidario na súa esencia e faime moitísima ilusión. A ver se cae un Ondas antes de xubilarme, creo que hai q presentarse e non me presentei, así é difícil, ja, ja, ja.

𝟭𝟭. 𝗢𝘀 𝗴𝗮𝗹𝗲𝗴𝗼𝘀 𝘀𝗼𝗺𝗼𝘀 𝗹𝗮𝗿𝗽𝗲𝗶𝗿𝗼𝘀? 𝗢𝘂𝘁𝗿𝗼 𝗱𝗼𝗰𝗲 𝗾𝘂𝗲 𝗰𝗵𝗲 𝗴𝘂𝘀𝘁𝗲? 𝗔 𝘁𝘂́𝗮 𝗰𝗼𝗺𝗶𝗱𝗮 𝗽𝗿𝗲𝗳𝗲𝗿𝗶𝗱𝗮?
A miña comida preferida é onde haxa marisco vou andando ou de xeonllos pero son de bo dente, e como me poña a comer. De doces encántame tamén a torta de Santiago, e por suposto se hai un bo flan caseiro con nata.

𝟭𝟮. 𝗔 𝗾𝘂𝗲 𝗳𝗮𝗺𝗼𝘀𝗼/𝗮 𝗱𝗼𝘀 𝗾𝘂𝗲 𝗲𝗻𝘁𝗿𝗲𝘃𝗶𝘀𝘁𝗮𝘀𝗲𝘀 𝗽𝗲𝗻𝘀𝗮𝘀 𝗾𝘂𝗲 𝗹𝗹𝗲 𝗳𝗮𝗿𝗶́𝗮 𝗺𝗮́𝗶𝘀 𝗳𝗮𝗹𝘁𝗮 𝗰𝗼𝗺𝗲𝗿 𝗼𝘀 𝗱𝗼𝗰𝗲𝘀 𝗱𝗲 𝗠𝗲𝗹𝗶𝗱𝗲?
A todos os políticos! para ver se son capaces de entenderse e superar as amarguras. Que dean unha volta por Melide e lle poñan un pouco de dozura á súa vida.